Kagem Guruku

Aku kelingan panjenengan
Amarga dudu geni arane
Yen ubale ora ngobori lakuku
Miyak pepetenging kaweruh
Cubluk ngelakoni kang sarwa ora gathuk
Tumrap pitutur, nalika kudu digugu
Tumrap piwulang, nalika kudu ditiru

Wengi kuwi ketemuku
Ana satengahing sujud
Nanging, apa panjenengan
Ya tansah ngelingi aku
Amarga dudu geni arane
Yen ubale ora diparengake
Ngobori lakuku